Аутистикалық спектрі бұзылған және Даун синдромы бар балалардан тұратын UNI Football жасөспірімдер командасының ойыншыларына футболдан Қазақстанның құрама командасының формасы сыйға тартылды. Футболдан инклюзивті секцияны «Болашақ» корпоративтік қоры 2023 жылдың қараша айында Қазақстан футбол федерациясының қолдауымен ашқан болатын. Секцияда 12 бала жаттығады. 

Ағымдағы жылы Қазақстанның бірнеше аймағында футболдан ерекше балаларға арналған инклюзивті секцияларды ашу жоспарланып отыр. 2024 жылдың соңында инклюзивті футбол лигасының құрылуы жоспарланып отыр және УЕФА бұл бастамаға қолдау көрсететіні белгілі болды.

Инклюзивті секцияға қатысу үшін педиатрдан денсаулық жағдайы туралы анықтама қажет.

Қосымша ақпарат үшін телефон: 8 7172 500 618.