«Жұлдыздар шеруі» киноконцерті – әлемге әйгілі Disney компаниясы мен «Болашақ» қазақстандық қайырымдылық қорының кезекті бірлескен мәдени жобасы. Жаңа жыл қарсаңында елорда тұрғындары мен қонақтары елордада алғаш рет 22 желтоқсанда өткен Disney-дің «Жұлдыздар шеруі» киноконцертінде болған сиқыр мен ертегіге бөленді. Міне, «Болашақ» корпоративтік қоры өзінің 10 жылдық мерейтойында елорда тұрғындарына осындай сыйлық сыйлады.

«Жұлдыздар шеруі» киноконцерті – бұл Disney-дің әлемдік киноконцерттерінің бірегей желісінің жалғасы. Ол Лондон, Сан-Франциско, Токио, Сидней, Париж, Мәскеу және басқа қалалардың үздік концерттік залдарында өткізіледі. Қордың арқасында Орталық Азиядағы тұңғыш киноконцерт 2018 жылы Алматыда аншлагпен өткізілді. Содан бері киноконцерттер Қазақстанда жыл сайын өткізіледі. Биылғы іс-шара Нұр-Сұлтан қаласының әкімідігі қолдауымен өткізілді.

Киноконцерт – түпнұсқалық партитураларды, бейнеқатар мен Disney-дің техникалық стандарттарын қолдана отырып өткізілетін ресми лицензиялық киноконцерт. Киноконцерттер оркестрдің орындауындағы жанды музыкамен және вокалдық сүйемелдеумен кино көру форматында өткізіледі.

Нұр-Сұлтандағы киноконцертте біздің отандасымыз, Black Star inc. лейблінің әртісі Nazima өнер көрсетті. Әнші Disney-дің 1998 жылғы «Мулан» анимациялық фильмінен «Reflection» әнін қазақ тілінде орындады. Сондай-ақ «Qazaqstan» ОКЗ сахнасында Super Star Kz жобасының қатысушысы Динара Сұлтан, «Жұлдызды жекпе-жек» музыкалық шоуының жеңімпазы Гүлсім Мырзабекова, «Славянский базар-2017» фестивалінің дипломанты Ayree, «RinGo» тобының солисі Данияр Өтеген, әнші Adam, «Turkvision» байқауының және «I'm singer» халықаралық телешоуының финалисі Жарқынай Ханайым, «Голос. Украина» байқауына қатысушы Инди Еділбаева, «Дарын» мемлекеттік жастар сыйлығының лауреаты, «Қазақстанның 100 жаңа есімі» жобасының жеңімпазы Әлібек Әлмадиев, «Saz&Soul» тобының солисі, әнші Димаш Құдайбергеннің бэк вокалисі Зарина Божакова, 11 жасар әнші Бекнұр Ыбырай және басқалары өнер көрсетті.

Әртістер Disney-дің «Арыстан патша»/«Король Лев», «Су перісі»/«Русалочка», «Сұлу мен Құбыжық»/«Красавица и Чудовище», «Мулан», «Аладдин» және «Покахонтас» сынды классикалық жауһарларынан, сонымен қатар студияның «Мұзды өлке»/«Холодное сердце», «Моана», «Рапунцель: шым-шытырық оқиға»/ «Рапунцель: Запутанная история» және «Аңдар шаһары»/«Зверополис» сынды заманауи сүйікті анимациялық фильмдерінен аңызға айналған композицияларды орындады.

Концерттің бағдарламасы Қазақстан үшін арнайы жасалған. Киноконцертте қазақ тілінде орындалған әндер «Өзіңнен баста» жобасы аясында қормен қазақ тіліне дубляждалған фильмдерден алынған. Киноконцертте орындалған әуендер 11 «Оскар» сыйлығын алған.

«Бұл ғажайып, таң қаларлық концерт – қордың 10 жылдық мерейтойына орай елорда тұрғындарына арналған сыйлық. Бұл мультимәдениетті халықаралық шара ана тіліміздің байлығы мен сұлулығын көрсетеді. Қазақ тілінде сапалы контент жасау жолында біз әлемге әйгілі киностудиялардың 38 фильмін қазақ тіліне дубляждадық, киноконцерт сол көп жылғы еңбегіміздің заңды жалғасы болып табылады. Өздеріңіз білетіндей, Disney мультфильмдерінде әндер көп. Әртістеріміз сол әндерді қазақ тілінде орындағанда, әр дайым әншілік дарыны және қазақ тілінің музыкалдығы туралы жылы лебіздер айтылады», - деп атап өтті қордың Қамқоршылық кеңесінің төрайымы Динара Гаплан. 

Әндер «Астана Балет» театрының симфониялық оркестрінің сүйемелдеуімен жанды дауыспен орындалды. Жуырда ғана құрылған оркестрдің құрамына қазіргі қазақстандық музыка мәдениетінің үздік өкілдері, Қазақстанның түкпір-түкпірінен, сондай-ақ Ресей, Қырғызстан және Грузиядан келген тәжірибелі мамандар кірді. «Астана Балет» симфониялық оркестрінің бас дирижері – Арман Оразғалиев.

Іс-шараға «Болашақ» қоры Қамқоршылық кеңесінің Құрметті мүшесі, «Nur Otan» партиясы Төрағасының бірінші орынбасары Бауыржан Байбек, Нұр-Сұлтан қаласының әкімі, «Болашақ» қауымдастығы Кеңесінің құрметті мүшесі Алтай Көлгінов, елорда тұрғындары, блогерлер, медиа-тұлғалар қатысты. Сондай-ақ «SOS Балалар ауылы», «Особые праздники» ҚҚ және балалары «Болашақ» қорының инклюзияны қолдау кабинеттерінде оқитын ерекше балалары бар отбасылардан 100-ге жуық бала концерт көрермені болды.

Билет сатудан түскен қаражат инклюзивті білім беру және дарынды жастарды қолдау жобаларын дамытуға «Болашақ» қорына аударылады. 2018 жылдан бері Қазақстандағы Disney киноконцерттеріне 10 мыңнан астам көрермен келді, оның ішінде 600-ден астамы балалар үйінің тәрбиеленушілері, көп балалы және аз қамтылған отбасылардан шыққан балалар. Қордың қайырымдылық жобаларын қолдауға билет сатудан 8 000 000-нан астам теңге түсті.

Disney компаниясы мен «Болашақ» корпоративтік қоры елорда тұрғындары мен қонақтарын «Жұлдыздар шеруі» қайырымдылық киноконцертіне шақырады. Бұл Қазақстандағы алғашқы ресми лицензияланған Disney киноконцерті!

Концертте Disney-дің сүйікті мультфильмдеріндегі танымал саундтректер қазақ тілінде шырқалады. Оларды қазақ эстрадасының жұлдыздары "Астана Балет" үлкен симфониялық оркестрінің сүйемелдеуімен орындайды. Барлық шығармалар жанды дауыста орындалады.

Disney киноконцерті 2021 ж. 22 желтоқсанында сағат 19.00-де «Қазақстан» орталық концерт залында елорда әкімдігінің қолдауымен өтпек.

Бағдарламада Disney-дің классикалық шедеврлері – «Арыстан Патша», «Су перісі», «Сұлу мен Құбыжық», «Мулан», «Аладдин», «Покахонтас», сондай-ақ сүйікті заманауи анимациялық фильмдері – «Мұзды Өлке 2», «Моана», «Рапунцель: шым-шытырық оқиға» және «Аңдар шаһары»-нан аңызға айналған композициялар болады.

Сатылымынан түскен қаражат «Болашақ» корпоративтік қорының қайырымдылық жобаларын іске асыруға жұмсалады.

Киноконцерт туралы толығырақ @bolashakcharity парақшасынан оқыңыз.

Disney анимациялық фильмдерінен бала кезден сүйіп тыңдайтын әуендер мен әсерлі әндердің эстрадалық-симфониялық оркестрдің сүйемелдеуімен қазақ тілінде жанды орындалуын тамашалап, үйіңізден шықпай-ақ, жаңа жыл алдында қарбаласпен өтіп бара жатқан жылдың соңғы күндерінде өзіңізге және отбасыңызға ертегіге бөлер кеш сыйлаңыз. Теледидарды қосып, Disney-дің қазақ тіліндегі музыкалық жауһарларын тамашалаңыз! Disney-дің «Жұлдыздар Шеруі» киноконцерті әсер етпей қоймайды, өйткені Disney мультфильмдерін қастерлеушілер – бұл бүкіл дүние жүзінде бірнеше ұрпақтар буыны.

Бүгін ҚР Президенті жанындағы Орталық коммуникациялар қызметінде ТМД-дағы алғашқы телевизиялық форматтағы лицензиялық Disney киноконцертінің түсірілімі жайлы айтылды. Баспасөз конференциясына: «Болашақ» қорының Қамқоршылар кеңесінің төрайымы Динара Шайжүнісова, Ресейде және ТМД-да Disney компаниясының Дубляждау және музыкалық жобалар бөлімінің Креативтік директоры Юлия Баранчук, «АSTANA TV» телеарнасының Бас директоры Құрманбек Жұмағали, танымал орындаушылар Данияр Өтеген мен Дәурен Оразбеков (Adam) қатысты.

Динара Шайжүнісова, «Болашақ» қорының Қамқоршылар кеңесінің төрайымы:   

««Жұлдыздар Шеруі» киноконцерті – бұл біздің қор Қазақстанда өткізіп отырған үшінші лицензиялық киноконцерт. Бұл – әлемге әйгілі Disney компаниясымен көпжылдық ынтымақтастығымыздың нәтижесі. Осыған дейінгі киноконцерттер қайырымдылық сипатта болды, оларды 5 мыңнан астам адам тамашалады. Осы жылы біз еліміздің барлық телекөрермендеріне жаңа жылдық сыйлық жасауды ұйғардық. Disney-дің жақсы көретін мультфильмдерінен әсем әндерді үйде туыстарыңыз бен жақындарыңызбен бірге отырып тыңдай аласыз. Киноконцерт көрермендері классикалық музыканың, сазды әуендер мен қазақ тіліндегі әсерлі әндер тылсым әлеміне бөленеді».

Киноконцерт жайында 

Киноконцерт – бұл бір мезгілде эстрадалық-симфониялық оркестр мен әйгілі орындаушылардың сүйемелдеуімен үлкен экраннан Disney фильмдерінің үзінділерін қарау. Киноконцерт ерекшелігі – оның интерактивті форматта өтетіні. Музыка экрандағы көрініспен дәл сәйкес келуі керек, оркестрдің темпі пен ырғағы соған байланысты. Кәсіби орындауда толық синхронды алып жүру қиынға соғады, бірақ Алматы қ. әкімінің Эстрадалық-симфониялық оркестрі бұл міндетті орындады.

Disney-дің киноконцерттері Лондон, Сан-Франциско, Токио, Сидней, Париж, Мәскеу және басқа қалалардың үздік концерттік залдарында өтеді.

«Жұлдыздар Шеруі» киноконцертінің бірегей бағдарламасы Қазақстан үшін арнайы жасалған. Бағдарламаға барлығы аты аңызға айналған Disney-дің 11 анимациялық фильмінен қазақ тіліндегі 22 композиция кірді: «Сұлу мен Құбыжық», «Аладдин», «Моана», «Мұзды Өлке», «Арыстан Патша», «Мулан» және басқалары. Фильмдердің музыкасын танымал композиторлар, көптеген сыйлық иегерлері: Ханс Циммер, Алан Менкен және Джерри Голдсмит жазған. Киноконцертте орындалған саундтректер 11 «Оскар» сыйлығын алған.

Әндердің басым бөлігі «Өзіңнен баста» жобасы аясында қазақ тіліне дубляждалған фильмдерден алынған. Қалғандары киноконцерт үшін қазақ тіліне арнайы аударылған.

Киноконцерттің мақсаты – сүйікті Disney кейіпкерлері арқылы қазақ тілін және классикалық музыканы дәріптеу. Бұл ең алдымен жас ұрпақ туралы. Киноконцерт көрермендерге ұсынатын үлкен эстетикалық ләззаттан, ана тілі үшін мақтаныштан басқа, сонымен қатар ол балаларды классикалық музыканы қабылдауға дайындайды.  

Жобаның ұйымдастырушылары мен серіктестері: «Болашақ» корпоративтік қоры, Ресейде және ТМД-да Disney компаниясы және республикалық «АSTANA TV» телеарнасы.

Алғаш рет TV-форматта

ТМД-да алғаш рет лицензияланған Disney киноконцерті теледидардан көрсетілетін болады. Бұған дейін екі киноконцерт ұйымдастырған «Болашақ» қорының алдында бірінші рет TV-форматындағы киноконцертті ұйымдастыру міндеті тұрды. Теледидар саласындағы отандық мамандар: режиссер Лев Мариупольскийдің, қоюшы оператор Сергей Набоковтың, дыбыс режиссері Дмитрий Синельниковтың және басқа да өз ісінің мамандарының күш-жігерінің арқасында, сондай-ақ Disneyден әріптестеріміздің көмегімен жоба жүзеге асты. Теледидардағы киноконцерттің премьерасы осы жылдың 27 желтоқсанында «ASTANA TV» телеарнасында өтеді. 2021 жыл ішінде сол каналда киноконцерттің тағы 5 көрсетілімі болады.

Құрманбек Жұмағали, «АSTANA TV» телеарнасының Бас директоры 

««Болашақ» корпоративтік қоры өскелең ұрпақтың білімі мен танымын кеңейтіп, рухани әлемін дамытуға өлшеусіз үлес қосып келеді. Соның арқасында бүгінде Disney фильмдері қазақ тіліне аударылып, бәріміз сүйіп тамашалайтын Disney-дің дүниежүзіне танымал кейіпкерлері қазақ тілінде сөйлеп, ән салады. «Астана» арнасы «Жұлдыздар шеруі» концертті 27-желтоқсан күні сағат 15:00-де барлық қазақстандық көрерменге ұсынады. «Астана» - отбасылық телеарна. Біздің әр көрерменнің асыға күтетін сүйікті өз тележобасы бар. «Жұлдыздар шеруі» әсіресе, бүлдіршіндер мен жастар аудиториясына  және ата-аналарға да қызықты болады, деп есептейміз. Өйткені біз көрерменге тек сапалы контент ұсынуға мән береміз. Ендеше, барлықтарыңызды алдағы жексенбілік демалыста «Астана» арнасынан «Жұлдыздар шеруі» киноконцертін тамашалауға шақырамын».

Әртістер 

Концертке танымал қазақстандық әртістер қатысты. Мысалы, жас жұлдыз, американдық «The World's Best» шоуының финалисі Данэлия Төлешова Моананың «Мені не күтеді» әнін, ал «Turkvision» мен «I'm singer» халықаралық телешоуының финалисі Жарқынай Шалқар «Мұзды Өлкеден» Эльзаның «Қанат қақ» әнін, сонымен қатар «Сұлу мен Құбыжық» фильміндегі әндерді орындады. «RinGo» тобынан Данияр Өтегеннің дауысымен «Алладин», «Арыстан Патша» және «Ханшайым мен құрбақа» фильмдерінің кейіпкерлері қазақ тілінде ән шырқады. Ал «Арыстан Патша» фильміндегі арыстанның күшігі Симбаның әнін «Бала дауысы» ұлттық байқауының лауреаты, «Славянский базар» халықаралық өнер фестивалінің қатысушысы, халықаралық байқаулардың жеңімпазы 10 жасар Әбілақайыр Жұмабай орындады. Сондай-ақ, киноконцерт әндерін Кентал, Adam, Ерден Жақсыбеков, «КешYOU»  тобының экс-солисі Балжан Бидаш және басқалар орындады. Концертте алғаш рет X Factor Kazakhstan қатысушысы Наргиз Күдренованың орындауындағы «Мулан» фильміндегі ең әдемі «Reflection» саундтрегі орындалады.

Данияр Өтеген, «RinGo» тобының солисі:  

«Концертпен жұмыс өте қызықты, эмоционалды және өте жауапты болды. Бірнеше ұрпақтан бастап, оның ішінде мен де киноконцерт кезінде айтылған әндермен өстім. Ең бастысы – Ең бастысы-көрермендер мен осы жобаның барлық қатысушылары алатын эмоциялар. Мейірімділікке, ертегіге, жақсылықтың жамандықты жеңетініне сену – бұл біздің өміріміздегі басты құндылықтардың бірі, оған барлық тәрбие жұмысы негізделуі керек. Сондықтан бұл өте маңызды жоба, күшті эмоциялар тудыратын жоба. Әндердің қазақ тілінде болуы өте маңызды. Бұл – Қазақстанның, қазақ тілінің әлемдік кинематографияға қосылуында үлкен қадам». 

Оркестр 

Киноконцерт музыкасын дирижер Александр Беляковтың жетекшілігімен Алматы қ. әкімінің Эстрадалық-симфониялық оркестрі орындады. Киноконцерт үшін оркестр қосымша ағаш үрмелі аспаптар топтарын арнайы тартты. Арфа, банджо, мандолина, маримба, калимба және басқалары сияқты ерекше аспаптардың дауысын сандық дыбыспен толтыруға тура келді. Мысалы, концертте «Су перісі» анимациялық фильмінен су асты әлемінің атмосферасын жеткізетін және африкалық калипсо музыкалық стиліне еліктеп орындалатын «Under the sea» композициясы орындалды. «Арыстан патша» фильміндегі әйгілі «Hakuna Matata»-да әр түрлі этникалық аспаптардың жарқын дыбыстары естіледі. Бұл әсерлі орындау – қазақстандық тыңдарман үшін жанды музыканың нағыз жарқын мерекесі.

Александр Беляков, Қазақстандағы Disney киноконцерттерінің дирижері: 

«Жанды музыканы бейнематериалмен синхрондау өте ауыр жұмыс. Біздің оркестрдегі барлық музыканттар өте тәжірибелі, тиісті дайындық деңгейінде біз бәрін жасай аламыз. Disney – салмақты компания. Олардың музыкалық материалы өте сауатты, өте білікті, Disney-дің музыкасы тек көрнекі емес, сонымен қатар жеке шығарма болуы әбден мүмкін, оның өзінің терең жағы бар, ол жеке форматта орындалуға лайық. Музыканы қабылдау, тыңдау өте маңызды. Мұндай киноконцерттерді, бір жағынан, тыңдаушы оңай қабылдайды, ал екінші жағынан олар белгілі бір ішкі дайындықты қажет етеді. Сондықтан концерттер неғұрлым жиі өтетін болса, біздің тыңдаушымыз нағыз музыкаға соғұрлым дайын болады».

Қосымша ақпарат: Ляйля Кабпасова 8 775 225 19 07